China is Trump am proope – un is fërtich fer ale xënario .

Berliner Morgenpost China is Trump am proope – un is fërtich fer ale xënario . minute • 5 minute leese tsayt Wën ti xinesixe rechiirunge tiise taache noo Washington kuke, kriin se kexmëkt pekhantmachunge. Te naye Presitent Donald Trump hot aanfangs fersuucht khiner hant xuu penutse. Kaar net in tëm amt, hot eyer tas ferpootnis woo in Ameerika in kextelt kep waar uf te xinesixe wiiteo platform TikTok fer 75 taache sustëntiert. Kuut foer sayn eere, hot eyer mit tëm xinesixe presitënt Xi Jinping im telefoon kexprooch. Es waar een “aarich kuut kexpreech”, hot Trump noo heyer kesaat. Tas hot mee wii een meechlich ëntxlus tswixich tswaay XXL xpiiler in te internatsionaal politik kexpiirt, anxtat een tariif xpits puuch orer een hantwerks kriich. Phaar taache foer heyer, hat te Staats Sekretariat fon Trump, Marco Rubio, wërterliche xpitse uf Peking kexmis. Ti Folkloor Repuuplik is te “meyerxt mëchtichste un kefaarlichste faynt” fon te welt, saat Rubio, woo als China-Hawk pekhant is. In weenicher wii tseen yoer, “praktix ales” woo important is fer ti USA im alte leewe, khënt fon te importatsioone fom Fereenichte Xtaate ap hënge – “fon te medisiin fer hooche xwiirichkheete woo mer nëme pis ti filme woo mer kuke kriin”, hot er kesaat. kewarnt këp . Donald Trump macht ti tortur tools aus – awer China khan reactualiiseere China is yets am tas kuut uf phase oone sich an en narratiif se ferxpreche. “Ti xinesixe rechiirunge waarte fer se siin was fon Washington khomt. Meyer sin am xtuteere: was sin serioose simpoole un was is ploos xpasich?", saat Janka Oertel, woo te Asien Prokram fom Europëixe Raat fer auslëntixe Relatsioone fiire tuut, fer unser redaktsioons krupe. Trump sayn xrooe retorik fon te woole kampanye is net ferkes kep in te Folkloor Repuuplik. Ti repuplikaaner hate kexproch tas se xtroof tarife fon 60% uf ale importatsioone fon China in xtele teere. Ti uersach is tas te hantwerks defisit fon te USA mit China in 2024 pis 361 milioone dolaar kewakst hot. Trump hot tortur instrumënte penutst fer ti kompaniie tswinge fer in te USA se fabrikeere. In sayn eyerxte tsayt im amt, hat eyer xon ti xtet uf kenom fer ti xtet uf paue, wii ti solar module un ti waser maschine fon China – ti xineese hon tan te prays fon te importatsioon fon flicht xife un soya fon te USA kehoop. Am aanfang fon Trump sayn eyerxte rechiirungs tsayt, waar ti Folkloor Repuplik iwerfluut kep, saat Oertel. "In te letste acht yoore, hot China kemach was ti europeyer net kemacht hon: tii hot sich intensiif foer kexlaa fer te eyerxte taach fon en tsweete Trump sayn tsayt, hot Pekig meechliche antworte entwikkelt fer meechliche tarife un tswingungs meechlichkheete fon te amerikaner." “Ti xinesixe rechiirung tuut net soo sorte meechlichkheete mit en xlisel in xtele, awer tuut se kaliipere”, saat te xinesixe ekspërt. Peking hot erleepnis mit te hantwerks rewolutsioon. Wën ti amerikaner en eksport ferpoot hon fer ti hooch kwaliteet fon te hals teknolokii, hot China keantwort mit eksport restriktsioone uf te galium un germanium – materiaale woo important sin fer ti bateria un chip induktsioon. “Ti pexeet: Meyer khëne ti phayn fer ayre politik un tii fon ayre froynte un partnerxafte in potensial xlisel phunkte ferkreese. Piin phunkte wëre aach restriktsioone sin fer ti liwre fon xinesixe protukte im feld fon te eletroonik ore medisiin - wii ti droone ore antibiotik", erkhënt Oertel. Awer, uf te aner sayt, is Peking in kontitsioon fer fleksipel se reactualiiseere. “China khan wilich sin fer ëntxluse mache fer tas massive hantwerks defisit fon Amerika se xmayse. Ti Folkloor Repuuplik teet tan mee tings fon te USA khaafe. Awer, fiil fon tëm potensial is xon aus keproch kep, ekstra im akrikultur sektor”, saat Oertel. Soo wii te China-Expert Klaus Larres fon te Uniwersiteet fon Nort Karolina in Chapel Hill saat, is es en kartofle-un-xtok taktik: “Xi Jinping tuut fersuuche Trump aan nëme – un wën eyer net soo antwort, tuun ti xineese noch mool noo en . hart linie.” En naame woo imer noch in Peking khomt, is Elon Musk. Te Trump sayn aanreetner un teknolokii entrepreneer, woo elektrixe autos in Shanghai fer sayn kompanii Tesla kemacht hot, khënt als xtroos pauer fer tas Wayse Haus xafe, kept kesaat. Awer Musk sympolisiert ti ambitsioon fon te xinesixe-amerikaanixe relatsioone wii khee anere. “Fer Musk, is China tswaay mool en partnerxaft un en ekstreem konkurënt”, saat Oertel. Peking wees tas en unkontroliert hantwerks kriich sayn aychne eksport maschine ferxwine khënt. Ti kompaniie fon China sin yets in xwiirichkheete. Soo wii tas Statistiks Bureau fon Peking saat, ti ekonoomii is in 2024 mit 5% kewakst. Awer, ti westliche ëxperte tenke tas tas een influëns fikuur is. Ti ekonoomii fon China is xwach - aach weeche te immopilie kris . Te fakt is: ti Folkloor Repuuplik layt fon strukturaale propleeme. Te haus konsum is stagniert. Ti prayse fon te immopilie sin runer kang wayl ti finansiaale xwiirichkheete fon te kroose entwiklungs kompaniie hon fiile pau projëkte kextërekt.