Donald Trump: Ëyer macht tas ti layt tray xtune waarte: Ti woote tuun sich wuutich mit tëm richte

Donald Trump: Ëyer macht tas ti layt tray xtune waarte: Ti woote tuun sich wuutich mit tëm richte Artikel fon te redaktoor fon te news.de Tobias Rüster • 12 xtune • 2 minute leese tsayt Donald Trump hot sayn folek fer xtune kehal. ・Donald Trump macht ti unerxtitsung ・Ex-presitënt macht tas ti layt tray xtune waarte ・Was "Te Don" soo lang kehal hot - tas waare ti reaktsioone Soo wii mëyer al wise, ti tsayt is kelt. Een kexefts man wii Donald Trump solt tas wërklich wise. Awer, ti tsayt orer tas kelt fon sayn nookhomer xteet net soo wichtich fer tëm wii sayn aychne. Fiilaycht is tas was en kexefts man wii Trump macht. Te repuplikaanixe presitënt kanditaat hot xon laycht sayn woole fer phaar xtune ferxtraut. Tas nëmt xon neekst ti proportsioone fon te xteen. Donald Trump macht tas sayn fëter een kanse 3 xtune waarte Tii woo in te Trump sayn kampanya ewënt in Michigan waare, waare sicher ferwunert wii, noo een xtun waarte, anxtat Donald Trump se siin, hon se ploos een wiiteo fon tëm ex-presitënt kesiin, woo eyer tëne aus keleet hot tas eyer waarte teet fer een mere . tray xtune wëyer xpeeter. Donald Trump: Was hot tëm 3 xtune kehal? Donald Trump hot aach kesaat was tee soo lang kehal hot. Er waar en gast uf em Podcast fon Joe Rogan un hot mit tëm host fer tray xtune kexproch. Tas waar fiilaycht wichticher wii sayn Michigan woone. Als troost, saat Trump tas ti layt khëne sayn flicht siin un tan tuun se “een richtich kuut tsayt mitsamer hon”. Een entxultichung klingt irgendwie anders. Donald Trump: “Eyer tenkt tas sayn unerxtitsung sin xlëchte layt” “Te Don” hat anschiins khee pang fon een unkeweenlich reaktsioon fon sayn autiëns. Sayn aanxtelung is kritixe online kesiin kep. Tsum payxpiil, etliche komentaare uner tëm wiiteo fon te khorts pexeet X (foerhëyer Twitter) saan: ・"Eyer mënt tas sayn nookhomer sin xlechte, unpexripne layt woo unich em sin. Awer Trump wees tas se en "kult" sin un tii tuun soo kaar fer iim xtele, soo tas er sich net kans khimere tuut." ・"Ich klaawe wërklich net tas er sich khimere tuut. Tas is ales ploos en fasaat." ・"Eyer wees tas er sich fraye khan. Irchentwie tuust tuu tee noch mee liipe." Soo wii mer in anere wiiteos uf X siin khëne, fiile fon tëne hon tas open-air-ewënt mee ore weenicher ferwunert un entxënt.