Putin ërnst Trump im Ukraine Kriich – Expert siit klaych mandaat fer Europa

Frankfurter Rundschau USA unerxtitsung: Putin ërnst Trump im Ukraine Kriich – Expert siit klaych mandaat fer Europa Florian Naumann • 4 xtune • 2 minute leese “Naye Testamënt” Friite im Ukraine Kriich in 24 xtune? Donald Trump xteen xon uf mee wii ploos tas. Te ëxpert Ulf Steindl macht een klaare konklutsioon. Wën Donald Trump ernst waar, waar es lang tsayt klaar: te US Presitënt hot kexlacht. Trump wolt te Ukraine Kriich in 24 xtune ënere. In te tswixe tsayt, khomt es soo kaar tas sayn aychne rechiirung en xlus mache als eyerxte tentatiif xrit – noo woche fon konsultatsioone – imer mee unkeweenlich. In te letste taache, hot Trump aach fer tas eyerxte mool xroo kexprooch iwer sayn aankexteltne froynt Wladimir Putin: Er waar “pexrip”, hot Trump erkhënt. Weer en xlus mache ore en friite pakt in te kriiche fon te agressioon fon Ruslant is foer heyer, hon "hooch rechiirungs amtner fon te USA" yets fer Reuters kesaat. Ti US ferhantlungs krupe sin hauptseechlich fon Ruslant frustreert kep; Putin is aktiif keeche ti friite aanxtrëngunge fon te USA. Awer, te fertiinungs ekspërt Ulf Steindl erkhënt khee ferwunere, wii eyer fer ti Frankfurter Rundschau kesaat hot wii eyer kefroot kep waar. Er khomt en klaare opjektiif fer Europa. Expert siit net tas Trump sayn weech ënere tuut iwer Ruslant – Europa mus sich “pehale” Trokne aktuaale ëntwicklunge, khan niks nayes fon Trump erwaart kewe, hot Steindl aus keleet: "Te kurs in Washington kept wayter fer en ferxtëntnis mit Ruslant se kriin un sich uf China konsentreere." Tesweche, kept ti misioon fer Europa net ferënert, saat te forxer fom Oostre Instituut fer Europa un Sicherheets Politik. Steindl hot tray konkrëte phunkte kenënt. Es is important “unser aychne militeyer kapasiteet mitsamer aus prayte, fer plats fer ti manoewer se sicher lose fer ti Ukraine torich ti ferkreeserte unerxtitsung” – un “fer uns selepst in tiise nay xeopolitixe tsayt se pehale”, saat te Expert. Es kept xon en weech fer tas mit te europeyixe fertiinungs strateejii “EDIS” un te “ReArm Europa” plans. Tas mus yets konsekwënt iwer kefaar wëre. Europa tswixe Trump un Putin: te EU-Plan is fërtich – ti USA macht en puch in te Ukraine kriich “EDIS” xteet fer “Europëixe Fertiinungs Instrumënte Strateejii”. Te plans, woo im friiling 2024 foer kexlaa kep waar, xtelt opjektiife un meechlichkheete foer fer ti EUA sayn fertiinungs induktsioon, wii ti ferkreesung fon te kooperatsioon in te aankaaf fon fertiinungs mitel. “ReArm Europa” is nay – Ursula Von Leyen hot ti xrift am aanfang fom moonat mërts foer kexlaa. Tas is haupstseechlich iwer kelt. Mit naye xult reechle, kredit un flexipiliteet in te penutsung fon te EUA, khëne 800 milioone euro fer ti fertiinung fray kemacht kewe, hot te Presitënt fon te Kommissiooon erkhënt. In te tswixe tsayt, hot Trump sayn kurs noch mool frooche oone antwort kelos. Am ën, hot te Presitënt fon te USA ti Ruslant mit tarife kexpot in te xtroof iwer en waser xlus in te Ukraine – awer aach in Europa, weche unerxiitliche uersache. Tas Wayse Haus tswayfele aach tas Putin sich erlaupt sich in friite se xtele torich ti tarife. Ruslant is net sicher fon soo sorte ekonoomixe xtroof petrof kep, hot en rechiirungs amtner fer Reuters kesaat. Awer ti linyen fon te ausxtëlung fon Europa keet wayter wii Trump. (fn mit materiaal fon te Rechiirente Khërperxaft)