Striit mit Musk eskaliert: Senator xplitst sich fon Tesla in wiiteo

Frankfurter Rundschau Striit mit Musk eskaliert: Senator xplitst sich fon Tesla in wiiteo Kathrin Reikowski • 6 xtune • 2 minute leese In tiise artikel . Te amerikaanixe demokrat Mark Kelly wil sayn Tesla lose. Er hot tas uf X - mit en aanxtrëngung keeche Musk un Trump aan kesaat. Washington D.C. - "Ich sin hier in Washington, am faare mayn Tesla fer tas letste mool se xafe", saat te Demokratixe Senator Mark Kelly in en wiiteo woo eyer am 14 mërts uf X kexrip hot. “Wii ich tas tings kekhaaft hon, hon ich net ketënkt tas es een politik sache wëyer. Yeete mool woo ich in tiise auto rin keen fer ti letste 60 taache, erinert mich an wii fiil xaate Elon Musk un Donald Trump am mache sin fer unser lant." Es is net te eyerxte akt fon xpot tswixe te tswaay: Kelly waar puplitseyert kep als “trayner” fon te presitëntlich aanreetner Elon Musk, weche sayn pesuuch in Kiew in te Ukraine. Ti pesuuch un ti insult sin umkefeyer in te tsayt fon tëm xkandaal tswixe Donald Trump, J.D. Vance un Wolodimir Zelensky hon im Wiite Haus kexaft. Senator fon te USA: “Elon Musk hot sich wii een arxloch ketsaycht” “Elon Musk hot sich als een arschloch ketsaycht. Un ich wil net en auto fine woo fon en xpits puup kepaut kep waar un kexrip kep waar", saat te Temokraat. Es is tsayt fer en uf pau. Tee hot kesaat tas eyer etliche tinge fon tëm auto kefale hot un net anere. Awer tas macht khee sin. Tas wiiteo khomt am ën fon en woch woo Donald Trump foer em Wayse Haus in Washington D.C. hot een ferkhaafungs tsaytung fer Tesla kehal un hot selepst een Tesla puplitseyert. In kleene numer, awer fest, tuun ti USA aach protesteere foer te Tesla-Fabrike un Showrooms - un etliche sin in hant xteke kefiert kep. Un soo, wii te senator im wiiteo aus keleet hot, is ti wuut iwer ti insulte fon Musk net te uersach fer te Demokraat sayn argument mit Elon Musk un ti ënerung fom vehikel. Tas vehikel erinert iim yeete taach an was Musk un Trump am mache sin fer ti USA. Sii soriche sin ti aanxtrëngunge fer ti sosiaal sekuriteet ap hoole, ti kesuntheet fon te aarme un eltre layt se xmayse, ti veteranere uf nëme, es kept yeete taach naye xlechte notisye; Kelly sayn wuut iwer Musk nët weeche te ferxlaaner aanklaach Soo, Kelly sayn wuut iwer Musk is net weeche te ferxlaaner aanklaach. Te senator waar eher ferwunert mit tas. Kelly hot fer CNN kesaat tas er sich mit Elon Musk sayn aanxtelung lache must. Ti ferxlaaner aanklaach saat fiil mee iwer Musk wii iwer tëm Er is weenicher petrof kep iwer tas wii, tsum payxpiil, iwer ti veterane woo fom Veterans Amt kexmis kep sin weeche Elon Musk sayn ëntxluse. Soo kaar tswixe repuplikaanixe koleke, waare es xpasiche kexichte iwer Musk sayn "traitor" remarke. Noo Donald Trump, is Elon Musk te persoon woo ti meyerxt macht un influëns hot in te USA. “Un tiise persoon is sayn tsayt am ferliire uf em Twitter fer mich insulteere, unser veterane insulteere?” Ich mëne tas tee nët een serioose persoon is.