Neue Paapst Frustriert mit Trump: Schon wuut! “Kewise” hot sich in frooch kextelt .

AUS XPRECHE Neue Paapst Frustriert mit Trump: Schon wuut! “Kewise” hot sich in frooch kextelt . Daniel Thiel (dh) • 5 xtune • 2 minute leese En inwanerer fon te Fereenichte Xtaate fon Amërika is als nay Paapst kesuucht kep. Am letste tonerxtach mitachs (8.mërts, 2025), is en wayse rauch im Vaticano uf kextii – tan is te Leo XIV als nay khop fon te Khëriche introtuseyert kep. Es waar net lang pis ti xraywer fon te USA un fon anere xtaate sayn acht aan keruuf hon uf ti haymat fon Roberto Prevost, te nay Paapst. Tas is net te weech fon te aktuaal politik situatsioon in te USA. Te Paapst Leo XIV kritisiert ti rechiirung fon Trump – kraat foer phaar woche Kuut noo tëm aankhom, hot Donald Trump (78 yoer alt) kesaat tas es en kroos eere weyer en amerikaanixe paapst se hon - un tas eyer xon en aanruuf fom Vaticaan kriit hat, saat ti naychkheete ajency "Reuters". Awer, tswaay tweets fon tëm naye Paapst hon klaych ti runde kemacht, woo Prevost kritisiert hot iwer ti ausxprechunge un aktsioone fon te Trump administratsioon. Wën te Presitënt fon te USA kehoft hat en perfekt koeksistens tswixe politik un te khëriche representeere, hot eyer xon en propleem. In en sosiaale mitel posit fon fepruar, hot eyer en artikel fon Trump sayn vice-presitënt, J. D. Vance (40 yoer alt), kexrip un hot mit kritisie keantwort: "J. D. Vance is falx. Yeesus ferlangt net tas mer unser liip tsu te anere weeche." Kraat im april, hot te 69 yoer alt man en tweet kexrip iwer en kexpreech tswixe Trump un te Presitënt fon El Salvador, woo, tswixe anere, ti politiker sayn "kewise" in frooch kextelt hot. “Siist tuu net tas layte, is tëne sayn kewise nët ferxtërekt këp?” tas saat, uner anere tinge. Een fon te phunkte woo in te fersamlung kexprooch kep waar, waar op Trump sich tsurik xtele teet fer een kexpërt penutse woo ti mënxliche rechte anschiins kexpot kep waare. Ti umstände hon klaych aach te tans kardinaal Prewost, woo yets te xëf fon te khëriche kenënt kep waar, ferxrekt. Sayn foerkhomer, te Paapst Fransiscus, woo am 21april mit 88 yoer kextorep is, hot khee kehaymnis kemach fon sayn unruichheet mit Trump sayn politik. Een mool, hot eyer ti mikratsioons politik fom Presitent fon te USA wii een “xlechte” kenënt.