Trump: Wën China TIIS karte xpiilt, tuut se ti USA in chaos xmayse

BERLIN LEEWE Trump: Wën China TIIS karte xpiilt, tuut se ti USA in chaos xmayse Jonas Forster • 34 milioone • 2 minute leese Yeete mënx xprecht iwer Trump sayn tarife un China sayn kontitsioone, awer China hot en kans anerxter wafe in sayn hant. Wën China tiise penutst, tuut se ti USA in chaos xmayse. China hot kroose teel fon te US rechiirungs obligatsioone. Es hot unkefeyer 760 milioone dolaare in US Obligatsioone (fon 2025). Wën China tiise ferkhaafe teet, teet se ti USA in chaos xmayse. Ferkhaafung fon US rechiirungs obligatsioone fon China teet ti intrese rate hoole . Ti uersache: En massive ferkhaafung fon te US rechiirungs obligatsioone fon China teet ti aanforterung fon te obligatsioone uf em marke ferkreese, was tëne sayn prayse runer xtele teet un ti rente (interese rate) hoole teet. Hohe intrese rate tuun ti finansierings khoste fer ti U.S. rechiirung, ti kexefte un ti konsumente ferkreese, wayl ti hypotëk, auto kredit un kexefte kredit wëre teyer. Tas khan ti ekonoomii fon te USA ferxwine ore, im xlimste fal, en resesioon aus lëye. Tsum payxpiil, es kept kexprooch tas een kroos ferkhaafung ti rente fon te tswaay yoer fon te obligatsioone umkefeer 0,5 pis 1 prosent kreeser mache khënt, was kroose konsekwënse hon teet. Presyoon uf te US Dolar: En ferkhaafung khan tas klaawe an te Dolar xwach mache, wayl China khan kroose numer fon dolaar reserwe in anere wërter konwerteyere. En dewalisatsioon fom Dolar teet ti importatsioon in te USA teyer mache un ti inflatsioon fon te fuel, was ti leewens khoste ferkreese teet. Awer, ti US Federal Reserve (Fed) khënt sich in xtele torich ti obligatsioone khaafe fer te marke stapiliseere, wii es in te ferkangheet paseyert is, torich anere turpulënse. Aus een spetsiifixe uersach, is tas xënario nët soo unkeweenlich . Finansieel marke turpulëns: een pluut ferkhaafung teet unsicherheet in te welt marke aus lëye. Ti aktsioons marke fon te USA khëne fale, wayl ti kreesere intrese rate sin oft mools negatiif fer ti aktsioons prayse. Ti inwester khënte sich in “sicherheets plëtse” fine, wii tas kolt orer te Xwitser frank, was ti xwiirichkheete ferkreest hot. Wii woerxaynlich is tas xënario? Wën etliche tas xënario wii unrealixe aan nëme, wayl tas aach xwiirichkheete fer China pringe teet, kepts uersache fer se klaape tas es kans woerxaynlich is. Ti importanteste uersache: China hot net ferkes wii laycht es waar, im fal fon Ruslant, ti rechiirungs obligatsioone konfiskeere woo fon en anere lant kehal kep waare. Wën ti USA tas selwiche mache teet mit te rechiirungs obligatsioone woo fon China kehal kewe, teet China net mee tiise obligatsioone ferkhaafe khëne. Soo, wëyer es logixe tas China tas ferkhaafe teet, wën se noch khan.