Signaal: Sicherheets autoriteete hon en raat fer ti taytxe politik

Berliner Morgenpost Signaal: Sicherheets autoriteete hon en raat fer ti taytxe politik Christian Unger • 17 xtune • 2 minute leese Ti petaytung fon te xraywer is fernichtungs: ferkheert, xreklich. Tas sin reaktsioone noo tëm es pekhant kep waar tas hooche rang mitkliiter fon te US rechiirung in en krupe chat, hooch sensiiwle pleen fer en militeyer atak in Yemen aus keteelt hon – un en jornalist khont mit leese. Tas insëns pringt erinerunge tsurik fon en xpits puup woo ti Bundeswehr foer een yoer erleept hot. Vier hooche ofitsiere fon te Bundeswehr, tepay te Chefe fon te Luftwaffe, Ingo Gerhartz, hon iwer eksplosiiwe militeyer informatsioone kexproch im kontekst fon te russixe kriich fon agressioon keeche ti Ukraine. Tas propleem: Tuu tuust net een ferxtëkelt xprooch penutse, awer ti wiiteokonferëns softwaer Webex. Een ofitsier fon Singapaaro hot sich aan kextrëngt uf te aanruuf torich te selwiche telefoon, anschiins torich een hotel sayn Wi-Fi. Un een hacker woo ferxtan kep waar tas eyer troy tsu Ruslant waar, waar am heere. In te tswaay situatsioone, kepts een tings taytlich: ti sicherheets xtroof waar net fon te xwach un xwach teknoloxii kemacht kep. Es sin mënxliche feeler un ferkheertes woo als toer tiine fer auslëner – ti siber krimineele, auslëntixe intelijëns tiinst ore, wii es hayt tsu taach in te USA paseyert, ti jornaliste. Soltaate in te Bundeswehr, politiker im Bundestag, aarwayter fon te politike xtet un in te rechiirung, sin al ti opjektiife fon auslëntixe spionaaj. Un tii al penutse e-mails, wiiteo konkrëse un messenger tiinst wii Signal un haupstseechlich Whatsapp. Wii phaar yoer tsurik, sin 40.000 interne chat-messages fon te AfD-mitkliiter fom parlament fer ti mediye aus keleet kep. Soo wii ti forxunge fon te ARD tsayche, tii hate “fiile radikaale, rasistixe un ofensiiwe ausxprechunge.” Wën ti ofitsiere fon te Bundeswehr ti xtet uf kenom hon, waare se net en chat krupe am penutse, awer ti softwaer WebEx, en plats fon te amerikaanix teknolokii kompanii Cisco. Ministeriums, Parteie un Mitleetiche fom Bundestag penutse te WebEx fer trefunge, interne xprooche un hinerlistiche xprooche mit te xraywer. Kexefte reese, awer aach ferkreeserte aarwayts taache im haus, mache tas ti wiiteo softwaer een alte teknoloxii is. WebEx-petaytunge khëne mit een pasëyert ferxtëkelt wëre. Fer konkrëse un fersamlunge im digitale raum, tuun ti aarwayter fon te rechiirunge oft mools sich fersamle torich tas prokram “BigBlueBotton”, een softwaer woo aach fon te Taytx Armee penutst wërt. Tiise prokram wërt penutst wën ti kexpreeche wii “kehaymnis” kenënt wëre. Orer, wii se in ofitsiaal taytx saan, “ploos fer ofitsiaal penutsung”. Ti autoriteete saan tas ti aarwayter wëre noch mee pewusst fon te neetichkheet fer uf phase in sayn komunikatsioon. Een taytx ofitsier saat: “Meyer wise tas ti auslënter intelijëns tiinst tuun uns aan heere.” In te meyerste fële, petayt eyer Ruslant. “Es is oft mools ti operatsioons xwiirichkheete, un net ti teknixe penetratsioon fon te sisteeme”, saat te vice-presitënt fom Federal Amt fer ti Protektsioon fon te Konstitutsioon, Sinan Selen. Fërtich, tas waar “radio tisipliin” kenënt, tas petayt uf phase wën mer informatsioone iwer ti oone kontakte aus teele. “Wëns tuu ti telefoone aan ruufe tuust uf em ICE-Train fon Berlin pis Köln, prauchst tuu net en russixe siber-atake mache”, saat Selen. Es tsaycht woo te intelijëns tiinst ti kreeste xwachheet fon te spionaaj siit: in te mënxe.