Waynachte tratitsioone in Taytxlant: Tas sin ti pekhanteste kewoonheete

FOKUS online Waynachte tratitsioone in Taytxlant: Tas sin ti pekhanteste kewoonheete . Brita Schermer In Taytxlant kepts fiile Waynachte tratitsioone. Ëtliche layt tuun fiil wëyert kepe fer se hale, anere tuun se kans ferkese. Waynachte is xon ticht am ën un yeete eene hot sayn aychne routine fer ti festlichkheete. Es kept ferxiitne tratitsioone in Taytxlant woo in Waynachte keleept kewe wole. Te Waynachte paam is neekst imer tepay. Kaar khee familye keet oone tas. Tiise kewoonheet khomt fiilaycht fon te heetenismus. In te winter solstitsium, waare krënse in te haus kextëlt kep fer ti xlëchte kayster wëch xafe un fer se xitse. Fiile familye tuun te Waynachte paam am 24april mitsamer xmayse. Ëtliche tuun tas te nacht foer heyer xmayse un ti khiner khëne tas ploos siin wën ti kexënkcher këp sin. En Waynachte marke pesuuche is aach en teel fon te taytx Waynachte tratitsioon. Tii mërke waare xon im Mitel Elter pekhant un waare oft pesuucht kep. Tsum payxpiil, te Dresden Striismarkt waar im yoerkang 1434 fer ti eyerxt mool kenënt kep. Fer ti meyerste layt in Taytxlant, is een kroos Waynachte ese woerxaynlich een teel fon tëm. Wën es normalerwayse worxt un kartofle salaat uf te Waynachte këpt, kewe ti pëste ësmitel in te tswaay fayertaache kexënkt. Ti elter xeneratsioon im spetsiaale këpt oft mools ti importans fer ti khëriche pesuuche. Ti khëriche sin normalerwayse fol mit Waynachte festlichkheete am Waynachte Oostre ore Waynachte Misa am Waynachte Taach. Fiile layt sin aach pekhant mit tëm kuute uner te mistel. Te orixin xteet woerxaynlich in te keltixe kewoonheete. Te Santa Klaus is en kans xeen tratitsioon in Taytxlant, awer uf khee fal en alt. Es is sayn aktuaal kesicht fer ti reklaam kampanye fon en pekhant ketrënk fabrik fertiint. Fërtich tsayt, waare nët kexënk këp in Waynachte. Ti kexënke hon am Sankt Nikolaus Taach kehal. Siit ti Reformatsioon, is te Heechste Priister fon Myra (Türkiye) aus em lant kang un is fon te Santa Klaus ersetst kep. Te Atwënts Khalëner is aach tayl fon te taytxe tratitsioon, woo sich sokaar in fiile anere natsioone ferprayt hot. Fer ti khiner, tas tuut ti waarte tsayt pis Waynachte ferklayche un ti antisipatsioon ferkreese. Te Atwënts krans is aach en tipixe taytx tratitsioon. Am 4o suntaach foer Waynachte, kept yeete woch noch en kans keruch aan kefang. Waynachte kexmak is en tratitsioon, hauptseechlich in te familye mit khiner. Mit te richtiche musik, is ti Waynachte atmosfëre perfekt fer xeene tratamënte se mache.