Te politiker fon te USA ferklaycht ti situatsioon fon Siiria mit Taytxlant – “Efëkte merklich”

Merkurius Te politiker fon te USA ferklaycht ti situatsioon fon Siiria mit Taytxlant – “Efëkte merklich” Simon Schröder • 4 xtune • 3 minute leese tsayt Assad fliit noo Moskau . Fer ti Siiria, khënt te flus fon Assad en xrit noo heyer sin noo tswaay yoer hunert fon siwil kriich. Fiile sin yets am hofe uf een ën. Wii in Taytxlant? Washington D.C./Damasko – Noo em fal fon Bashar al-Assad in Siiria, khan tas lant im Mitel Elter en unkeweenlich keleechenheet hon fer ti spiraal fon te xwiirichkheete woo xon tsayte lang am paseere sin, se xmayse. Siit em Arabixe Froynt fon 2011, is ti Siiria in en siwil kriich - neekst kontinuierlich. Te konflikt tuut sich imer noch uf mache. Te fal fon Assad khënt yets en xrit noo heyer sin, saat Joe Wilson (repuplikaaner fon Siit Karolina), woo en ferklaychung mit Taytxlant macht. Te MP hot fer te rechts-nays kanal Fox News kesaat: “Tas is soo petaytungsful. Te fal fon te Assad-Diktatuur. Ti influëns fon tëm ewënt wërt eenfach merklich sin.”Te politiker fon te USA tuut noch mool paralele mache mit en historixe ewënt in Taytxlant: “Es is wërklich ferklaychbar mit te Berliner Mauer, woo tswaay hunert natsioone noo 50 yoer fon okupatsioon un totalitaare kontrol fray kep sin. .” Noo tëm ti Berliner Mauer im yoerkang 1989 runer kefal is, khonte fiile fon te Sowyët Unioon xtaate net mee aus hale. Wilson spekuliert tas etwas sooliches yets in te rechioon um Siiria rom pasiire khënt. Te fal fon Assad khënt ti rechiirunge im Irak un Liiban im spetsiaale ferxwine. Awer ti tsukhunft fom lant noo Assad is unsicher. Ti rewolutsioons krupe khonte ploos am suntaach ti kontrol fon te haupt xtat Damasko kriin. Ti syrixe militeer hon weenich witer kexprooch. Assad selepst waar in te tswixe tsayt noo Moskau kang, wii ti russixe naychkheete ajencys am suntaach kesaat hon. Rewolutsioons ofensiif in Siiria: Assad mus noo Moskau fliye Am 27 noofëmper, hot en ofensiif aankefang in Siiria, koorteneyert fon te xëf fon te Hai’ in Tahrir Ash-Sham (Komitee fer ti Liberatsioon fom Lewant, ore HTS), Abu Mohamed al-Jaulani. Tsusamer mit te Siirixe Natsionaal Armee (SNA) un ti West Kurdixe Siirixe Demokratixe Krupe (SDF), sin ti siirixe xtet, aankefang mit Aleppo, langsam in ti hënt fon te rewolutsioons krupe khom. Ti HTS selepst is fon te ONU un fon te USA wii een teroristix orkanisatsioon kenënt kep, wii ti AP News aus keleet hot. Wilson saat tas ti rewolutsioons krupe ti xnël eropu fon Siiria fer en xwach Ruslant un en xlechte Iran aan nëme. Ti tswaay layt waare unerxtitsung fon tëm Assad sayn rechiirung un hon te diktatoor keholef sayn positsioon hale, hauptseechlich militeyer. Wën es um ti restrukturierung fom syrixe xtaat keet, tuut te repuplikaanixe representant sich hauptseechlich aan kewe uf te demokratixe wilt tier fon te syrixe mënxe, hot te representant wayter fer Fox News kesaat. Wii tuut ti Siiria sich orkaniseere noo tëm te Assad sayn rechiirung runer kefal is? Ti erfolg fon te rewolutsioons krupe in Siiria waar hauptseechlich meechlich kemach kep weche tëm Ukraine Kriich un Israël sayn Kriich keeche ti Hespoola, saat Wilson wayter: "Weche te xwachheet fon Ruslant, khonte se net ti tiktatuur in Damasko ferxteen Soo, is tas ales in en kans positiif aat ferpun." " Er hot wayter kesaat: "Un tan mise ti layt wise tas ti russixe luft xif ‘Hmeimim’ (in Siiria, redaktoor sayn notisye) is te transit phunkt fer . Tiktatoore in te mite fon Afrika.” Es is noch net meechlich se saan op te fal fom Assad-Rechiim wërklich en sort fal fon te mauer fer ti rechioon is. Es is noch net sicher wii te fiirer al-Jaulani tas lant in te tsukhunft orkaniseere tuut. Te presitënt fon te USA, Joe Biden, hot aach te fal fon Assad wii een “historixe meechlichkheet” kenënt.