Schots spree in Xweden: Naye detaile iwer te persoon woo tas kemacht hot – Elon Musk is kexpot kep

Berliner tsaytung Schots spree in Xweden: Naye detaile iwer te persoon woo tas kemacht hot – Elon Musk is kexpot kep Katerina Alexandridi • 5 xtune • 2 minute leese tsayt Tas lant is in xrek noo tëm xlimste xtek atak in te Xweden sayn kexicht. En man hot am tistënt in en xuul inrichtung fer yunge erwachsene in Örebro kexmis, un hot 10 layt um keprung. Te persoon woo tas kemacht hot, woo ti politsay nët pekhant kemacht hot, is aach toot. Ti poliis hot am tonerxtach moynts pekhant kemach tas es yets khee pewaysung kept fon iteolookixe motiiwe fon tëm persoon woo tas kemach hot. “Meyer ferxteen tas tas een aarich wichtich phunkt is, net ploos fer tii woo petrof sin. “Pis yets khëne meyer saan tas mer khee pewaysung fon en iteolookix motiif kefun hon”, saat Niclas Hallgren, vice-presitënt fon te poliis fon Bergslagen, noo te puplitseyert xprooch SVT. Soo wii Hallgren saat, hot ti poliis phaar xteke uf em xuul plats kefun, awer es is net klaar op te ferxtek hot se al kexmis. Tsum payxpiil, fiile xwedixe mitel hon te ferxtek wii te 35 yoer alt Rickard Andersson identifitseert. Sayn pekhante hon tëm fer ti tsaytung “Expressen” kenënt wii een introwert persoon woo sich in te letste yoore imer mee ap kehal hot. Soo wii ti pekhantmachunge saan, Yoonas sayn orixinaal naame waar Simon, awer tee hot xpeeter sayn naame keënert. Er is uf te welt khom in Örebro, woo ti massakre paseyert is, un hot ti 9a klas kemacht oone en eensichste xtuutyum se paseere. Wën ti Xweden in xrek is un antworte suucht, xprecht te teknolokii miliooneyer Elon Musk iwer ti traurichkheet. Am mitwoch ooment, hot Musk en X-Post fom Konto “Inevitable West” tsitiert, woo saat: “Tuu wërst fertsayt kewe wëns tuu net weest tas es pis hayt en xuul massakre in Xweden kep waar woo 10 layt um keprung kep sin. Keweenlich, khee europeyixe politiker hot tas erinert. Ti etapilierte mëdia sin ruich, wii imer. Is tas tas nay normaal fer Europa?" Musk macht tswaay ausxprechungs marke. Awer ti klaawe is falx, wii ti aychne "Komuniteet Notas" fon Musk sayn X-Platform klaar mache. Tii saat: “Fiile haupste tsaytunge fon te kans welt hon iwer ti xtroof in Xweden kexprooch.” “Ti europeyixe politiker hon aach tas kexprooch, tepay ti presitënt fon te Europëixe Kommissiooon, Ursula von der Leyen, woo sayn reaktsioon im artikel Le Monde ketsaycht hot.” Ti xwedixe mitel hon aach te Tesla miliooneyer un Donald Trump sayn froynt ferxproch un hon ti xëfe fon te xtaate un rechiirunge woo ti massakre ferxproch hon un hon sayn kondolëns fer tas lant aus kexproch. Tas sin Emanuel Macron, Justin Trudeau, Viktor Orbán un Wolodimir Zelensky.