Astrid Lund - Betty MacDonald fan clug orkanisatoore: "Trump un Putin hon fiil se tuun. Europa un ti welt solte sich ëntlich mool uf mache! Zelensky en "diktatoor oone woole" nëne, lost mich xproochlos. Wii khont ti meyerxt fon te amerikaanixe foleke Donald Trump als presitënt raus suuche? Tii hon fiil xlechte tings kemacht woo se sich selepst raus kesuucht hon fer se

Astrid Lund - Betty MacDonald fan clug orkanisatoore: "Trump un Putin hon fiil se tuun. Europa un ti welt solte sich ëntlich mool uf mache! Zelensky en "diktatoor oone woole" nëne, lost mich xproochlos. Wii khont ti meyerxt fon te amerikaanixe foleke Donald Trump als presitënt raus suuche? Tii hon fiil xlechte tings kemacht woo se sich selepst raus kesuucht hon fer se-- ------------------ t-online Ukraine Kriich: Trump nënt Zelenskyj "diktatoor oone fersamlunge". Finn Michalski • 14 minute • 3 minute leese tsayt Presitënt fon te USA eskaliert Trump nënt Zelenskyj "diktatoor oone fersamlunge". Wolodimir Zelensky (l.) un Donald Trump in en trefung im septemper: Te toone tswixe te tswaay xtaats xëfe is xrooer kep. Ti xpanung tswixich ti Ukraine un ti Fereenichte Xtaate fon Amërika is am wakse. Trump tuut ti legitimiteet fon Zelensky in frooch xtele, un Zelensky macht serioose aanxtelunge keeche Washington. In tëm khampf iwer ti tsukhunft fon te Ukraine, is te toone tswixe te US Presitënt Donald Trump un sayne ukrainixe koleke Volodimir Zelensky noch xrooer kep. Er hot sayn wuut am tistënt aus kexproch tas en amerikaanixe delegatsioon en meechlich ën fom kriich mit russixe representante in Saudi-Arabia am montach kexproch hot – oone ti partisipatsioon fon te Ukraine. In protest, hot Zelenskyj tan sayn rees noo Rio Grande do Sul, woo fer mitwoch kepleent kep waar, kanseelt. Trump hot tas mit en xroo ausxprechung in tëm awentuur keantwort. "Ich sin kans entxënt", saat te US Presitënt in sayn Mar-a-Lago-Estate, un hot Zelensky persoonlich ti xult kep fer ti forterung fom kriich. Trump saat tas er kehëyert hot tas Kiew sich traurich kexpiirt hot wayl se net en "sits" am xprechs tix kriit hate. "Hayt hon ich kehëyert: 'Oh, meyer waare nët inkelaat.' Wel, tuu pist xon tray yoer tat, tuu solst nii en ëntxlus mache, saat Trump fer Zelensky, woo ti woerheet iwer ti invasioon fon Ruslant am 24 feepruer 2022 ferxtërekt hot. Trump ruuft fer naye fersamlunge in te Ukraine . Trump hot aach kommentiert iwer ti aankesaat fon te presitënt Zelensky sayn unersuuchungs reete in te Ukraine, un hot kesaat - oone en pewaysung - tas Zelensky ploos en "approbatsioon reete fon fier prosent" hot. Trump hot tan aan keruuft fer naye fersamlunge in te Ukraine mache, klaych wii ti friitliche ferhantlunge fortere. In en positsion am mitwoch mitachs, hot Trump noch mool kexproch, un hot Zelensky en “diktatoor oone fersamlunge” kenënt, woo en “xreklich aarwat” kemach hat. Ukrainixe woole kesetse tuun net ti woole in een kriich pextimt. Ukraine kriich: Trump atakt Selenskyj – woo klaych reactsioone tsaycht Am mitwoch, hot te Kiew Internatsionaal Instituut fer Sosiolokii (KIIS) en nay unersuuchung puplitseyert iwer ti fertraungs reechle fon Zelensky – woo Trump sayn aanxtelunge refuteyert hot. Ti enklave, woo tswixich 4 un 9 fepruar kemacht kep waar, hot ketsaycht tas 57 prosent fon te layt woo kefroot kep sin, tuun wayter sayn klaape aan te ukrainixe presitënt aus lëye. Soo lang wii im teetsëmper 2024, waar tiise numer 5 prosent niter khom. "Leider leept Trump in tiise rechioon fon tesinformatsioon". Te xëf fom KIIS, Anton Hrushetskyi, hot ti ausxprechunge fon te US Presitënt kommentiert: Aach wën “internatsionaale ferayne un partnerxafte” “ti legitimiteet fom presitënt” in frooch xtele teete, im laufe fon te meechliche friite ferhantlunge un xrooe xrit noo naye fersamlunge, “fon te sayt fom ukrainixe folek kepts khee propleeme mit tas.” Ti unersuuchung tsaycht klaych tas tas folek fon te Ukraine wayter sayn presitënt unerxtitst. Te Presitent Zelensky hot aach noch mool kommentiert iwer Trump sayn aanxtelunge in Kiew am mitwoch. “Leider, te Presitënt Trump leept in tiise rechioon fon te tisinformatsioon”, saat Zelensky. "Meyer hon tiise falx informatsioon kesiin, meyer aan nëme tas se fon Ruslant khomt." Zelensky hot aach ti Trump rechiirung aankesaat tas se te Kremlin xëf Putin fon te isolatsioon fray kemacht hot. "Ich klaawe tas ti USA hot Putin keholef aus te yoore fon isolatsioon raus khome", saat Zelensky, woo sich aanxtrëngt uf ti kexpreeche tswixe te USA un Ruslant in Saudi-Arabia. "Tas ales hot khee positiif influëns iwer ti Ukraine." Zelensky hot sayn aan ruufe fer sicherheets garantie ferënert. "Meyer wole sicherheets garantie hon tas yoer, wayl meyer wole te kriich tas yoer ënere. Ich ferxteen ti Ukraine, ich khan net unser lant ferkhaafe. Tas is ales", saat er, am xpreche iwer te propoos fon Trump, woo ti USA preferëns hon fer ti Ukraine sayn root materiaale, im antwort fer sayn unerxtitsung. Zelensky hat tiise propleem ferwort.