Kuut foer te konkrës: Trump ferprayt en pilt fon sich selepst wii Paapst

n-tv Kuut foer te konkrës: Trump ferprayt en pilt fon sich selepst wii Paapst 1 xtun • 2 minute leese tsayt Neekst ti kans welt, prowokatiif sosiaale weepe xteen foer als te tsweet liipe hobby fon te US Presitënt. Phaar taache foer tëm konkrës, hot Trump en AI-generatsioon pilt fon sich selepst in papaal klaytung aus keteelt. Er hat xon foer heyer kexpot tas er selepst te nay xëf fon te katoolix khërich wëre teet. In tëm AI-foerxtelung, is Trump am traan te wayse khafi, woo te khop fon te katoolixe khëriche normalerwayse xteet. Een woch noo tëm eyer te Paapst Fransiscus sayn peërtichung mit kehal hot, hot te Presitënt fon te USA, Donald Trump, en pilt fon sich selepst in te Paapst sayn kleetcher uf te sosiaale weepe kexrip, woo anschiins fon te artifisiaal intelijëns (AI) kexrip kep waar. Er hot ti ways kasok aan ketsoo, woo te khop fon te katoolixe khëriche normalerwayse aan tsiit, en lang kolt kexënk mit en krayts um sayn hals un en opulënt kexmikt miter als khop. Trump hot tas pilt uf sayn profiil im Sosiaal Network fon te Woerheet kexrip. Awer es waar aach keteelt kep torich te ofitsiaal kontripuytsioon fom Wiite Haus uf X. Te Presitent fon te USA siit uf en sort troon xtel in kolt un roote un xtreet te xpits puuch fon sayn rechts hant noo oowe. Te serioose aanxtëntichkheet keet te aanhënger fom pilt foer. Wii phaar taache tsurik, hot Trump mit en xpas kesaat tas er teet kërn Paapst wëre. "Tas wëyer mayn eyerxte xrit." Er waar fon te xraywer im Wiite Haus kefroot kep weer eyer teet als neekste Paapst in te neekste konkrëse siin. Tan, hot te 78 yoer alt man noch kesaat: "Nee, ich wees net. Ich hon khee preetich aarwayt." Noo em toot fom Paapst Fransiscus, is ti katoolix khërich am en nay fiirer aan nëme. Ti fersamlung fangt aan am neekste mitwoch: Wën te xwarts rauch in te himel keet, sin ti mee wii 130 kardinaale im konkrës in te strikt xitsungs kapelle noch net in eenichkheet. Wën es en nay pontif këpt, raucht te xmier ways. Es wërt sicher nët Trump sin. Awer, te Presitent fon te USA tuut sich net fon te prowokatsioone ap lënke. Im feepruer, hot eyer en AI-video uf te sosiaale weepe ketsaycht woo sayn wisioon fon te tsukhunft fon te Gaza Strip tsaycht - mit xtraalente wolkekrater, yachte, exuberante praia xëne un en koltne Trump-Statue.